Në pishinë të shtëpisë  humb jetën vogëlushi nga  Ratkoci  

Gjakovë, 24 korrik 2018

Derisa po luante në pishinën e improvizuar në shtëpinë e vet në fshatin Ratkoc të Rahovecit  të martën ka humbur jetën V.H i moshës tri vjeçare. Lidhur me këtë rast Stacioni Policor në Gjakovë ka lëshuar një komunikatë ku mes tjerash thuhet:

“Me datë 24.07.2018 në ora 10:15 stacioni policor në Rahovec ka marr informatën për një fëmijë pa shenja jete në fshatin Ratkoc. Patrullat policore menjëherë kanë dal në vendin e ngjarjes dhe kanë kuptuar se viktima  V.H i moshës tri vjeçare kishte humbur jetën në një pishinë të improvizuar  në oborrin e shtëpisë së tij. Viktima  menjëherë është dërguar  nga familjarët në spitalin rajonal ,,Isa Grezda” në Gjakovë ku edhe është konstatuar vdekja e tij, ” thuhet në komunikatën e Drejtorisë Rajonale të Policisë  në Gjakovë.

Lidhur me rastin është njoftuar edhe prokurori i shtetit dhe me urdhër të tij trupi i pajetë ju kthehet familjarëve.