Skofiaret shënuan 30 vjetorin e aktivitetit

Tinguj të lehtë, të këndshëm e të shpirtit kanë rrjedhë të mërkurën në mbrëmje në pallatin e kultures Asim Vokshi sikurse para 30 vitesh  në këtë sallë të bukur, në qytetin e këngës,  për ta ndarë bashkë me  adhuruesit e muzikës  këtë jubile- ‘Tri dekada Skofiarë’…

Në sallën e stërmbushur u interpretuan këngë të bukura nga Miranda Hashani, Muharrem Mici, Elizabeta Qarri-Musliu, Florent Abrashi, Artemida Qarri-Haxhiu, Ruzhdi Sadiku dhe grupi I vallëzimit Art Dizajn. Një pikë të vecantë artistike në violinë  e realizoi Shkelzen Doli, anëtar I Filarmonisë së Vjenës I cili para 30 vitesh ishte anëtari më I ri I grupit.

Me këtë rast u tha se ”Gjakova ka pasur shumë këngëtarë e orkestra të njohura, por  “Skofiaret”  në mënyrë të padiskutueshme janë  sinonim i Gjakovës. Kur ata ja nisin këngës, meritojnë respekt të madh”.

Për këtë arritje  edhe kryetarja e komunës Mmoza Kusari Lila ndau mirënjohje për punën e suksesshme të Skofiarëve.

Programi i sontëm nisi me fotoekspozitën e punuar nga Shkelzen Rexha dhe albumin e shtatë me radhë muzikor si dhe me program të larmishëm me prezantimin e rrugës artistike të grupit Skofiarët.