Delegacioni i KK të Gjakoves në Lodeve për Ali Podrimen

Në njëvjetorin e vdekjes së poetit Ali Podrimja në Festivalin e 16 të poezisë, në qytetin Lodeve të Francës, një delegacion nga Gjakova i kryesuar nga kryetari i Komunës Pal Lekaj, mori pjesë për ta nderuar poetin dhe për ta kryer aktin e nënshkrimit të ndërsjellët të miqësisë së dy qyteteve, të lindjes dhe të vdekjes së poetit Podrimja.

Qyteti Lodeve e Francës, organizatore e manifestimi poetik  Vox mediteran, me përmasë ndërkombëtare, ku për çdo vit kanë mundësi më shumë se 100 poetë të marrin pjesë, këtë vit për ta përkujtuar poetin Podrimja i cili në vitin 2012, ishte pjesëmarrës i ftuar në këtë festival, organizoi një varg aktivitetesh në shenjë të kësaj figure që tani është bërë emblematike në Lodeve. Përfaqësues të këtij qyteti muaj më parë erdhën në Gjakovë, në qytetin e lindjes së poetit duke bërë binjakëzimin në mes qytetit të lindjes dhe vdekjes dhe mori pjesë me poetin Julian Blaine edhe në Mitingun e 49 të poezisë që edhe iu kushtua në tërësi Podrimjës.

Siç njohton Zyra per Informime KK se Gjakoves,  në edicionin e 16-të të Festivalit të poezisë “Zërat e mesdheut” “Voix Mediteran”, u ftuan edhe përfaqësues nga Komuna e Gjakovës për ta vazhduar aktin e nënshkrimit të binjakëzimit, ku ishin kryetari Pal Leka, kryesuesi i Kuvendit, Xhavit Alia, udhëheqës i zyrës ligjore, Flamur Vula, poeti Engjëll I.Berisha dhe zyrtare e protokollit Lumnije Vata.

Një pritje e ngrohtë dhe një miqësi e dy qyteteve poetike dhe me traditë organizative, ishte përshtypje e thellë që shprehën të dy palët nënshkruese. Kryetarja e Komunës Lodeve, Kristin  Busqet, ia dha mundësinë kryetarit Lekaj të nënshkruaj në librin e artë të këtij qyteti, aty ku nënshkruajnë personalitete shtetërore dhe artistike, e që i pari ishte nënshkruar ish kryetari DeGol. Po ashtu kryetari Lekaj mori dhe një dekoratë në emër të miqësisë së përhershme. Në vendin ku kishte lexuar poezinë e fundit Aliu, në një lagje të qytetit, afër një lumi, kryetari Pal Lekaj zbuloi edhe pllakën ku ishte i shënuar kujtimi për Aliu, dhe data e vdekjes dhe e leximit të poezisë së fundit.

Pllaka ishte e mbuluar me një flamur të Francës, e në prani të shumë poetëve dhe strukturave të Lodeves, u zbulua  për të mbetur në kujtim edhe vetë sheshi poetik që për çdo vit aty mblidhen poetë nga mbarë bota. Poeti Julian Blaine, lexoi poezi autoriale të Podrimjes, në gjuhën frënge dhe shqipe, të cilat ishin përkthyer dhe botuar në një libër të veçantë, duke hyrë dhe poezia e fundit e shkruar aty ku edhe la frymën e fundit.

Skalitja e emrit të Podrimjes në Lodeve, do të thotë se e la emrin e tij aty ku lexohet poezia, ku kultivohet dhe ku mblidhen poetë me eminencë. Kryetari Pal Lekaj, për katër ditë bëri një varg aktivitetesh duke krijuar një miqësi të qëndrueshme që sipas bisedave të para, do të manifestohen edhe me zhvillime tjera.

“U jemi mirënjohës strukturave të Komunës Lodeve, posaqërisht kryetares Kristin Busqet dhe nënkryetarit Madami Haxh si dhe institucioneve të këtij qyteti që na krijuan një ambient shumë vëllazëror dhe mund të them se Gjakova që tani e ka dhe një shtëpi të dytë në Francë, pasi që aty kemi një vëllazëri që me siguri do të jetë e përhershme. Lodevasit ishin shumë punëtorë që identifikoheshin edhe me prodhimtari, me vreshtari, dhe trashëgiminë e lashtë, ku jo rastësisht ishin kthyer edhe në qytet të poezisë”, theksoi Pal Lekaj.

Ai shtoi se gjatë vizitës , morën një tretman edhe shtetëror, si dhe një trajtim në vete që ishte miqësia të cilën radhë kund mund ta takojë.

“ Unë, do të jem përherë mirënjohës që ata edhe e skaliten emrin e Podrimjës për të qenë i shënuar poeti dhe vetë Kosova, ngase vetë Podrimja ishte me përmasë të gjerë”, theksoi Pal Lekaj.

Ndërsa poeti Engjëll I.Berisha, nga ky delegacion tha se, karakteristikë ishte se Podrimja vdiq me lule në duar, dhe afër veti kishte një poezi dorëshkrim kushtuar luleve dhe ishte shtrirë në një karrige afër një lumi duke e bërë edhe vdekjen poetike.

“ Ne u ftuam atje në emrin e poetit Podrimja dhe sa ndjenjë e mirë ishte kur një emër i madh të bën të jesh qytetarë i një shteti të kulturës. Në ditën e vdekjes, që ishim atje, ia kushtuam Aliut duke e kujtuar me poezi dhe me rrëfime për jetën e tij. Besoj se ky popull gjithmonë do ta ketë për nderë emrin e Aliut” , theksoi poeti Berisha.

Tani e tutje këto dy qytete, do ta vazhdojnë edhe më tej bashkëpunimin në shumë fusha të jetës