Edi Furra me hitet verore

Këngëtari i shquar i muzikës popullore Edi Furra nuk pushon së punuari. Zëri, tradita për muzikën , talenti dhe kërkesa për të qenë në shijen e shtresave më të gjëra të adhuruesve të muzikës e tipizojnë  Edin.   Bashkë me grupin muzikor “Ilirikët”, ai gjatë verës është mjaft i zënë me dasma, por megjithkëtë edhe këtë verë ai erdhi me një program të ri  muzikor duke sjellë freski në atmosferen verore. Solli albumin më të ri

Më i miri me më të mirët është moto e projektit të ri. “Albumi ri 2013  ka 18 këngë të bukura- super hite të melosit tonë. Janë këto këngë të zgjedhura që kënaqin shijen e dëgjuesit. Janë të punuara në mënyrë profesionale bashkë me muzicientë dhe instrumentistë të shquar.

“Janë këngë të dëgjuara dhe të pa dëgjuara, janë këngë të shpirtit të cilat  janë të rianzhuara me kujdes nga muzicient  profesionalist. Albumi është realizuar  në  studion e kompozitorit Florent Boshnjaku.  Back Vocal Vegim Furra, aranzhues Jeton Haxhiu,  klarinetë & Sax Vis Shkodrani,  solo dhe ritëm gitar Hylki Byci , violinë Gjengiz Veshall,” theksoi Edi për “gjakovapress.info”

Nga informatat e produksionit muzikor Eurolindi , albumi eshte mirepritur nga adhuruesit e muzikes. Ky album ka marrë përmasa të mëdha sa i takon  shitjes në treg si dhe degjueshmerise dhe vizitshmerise  në Website në Face Book “Kosova Hits” .

“Në zgjedhjen e hitit të verës në konkurrencë me këngëtarë që janë shumë në tregun Kosovar, kënga “ Qun me pare”  përzgjedhje e web-sitit ka marr mbi 180 vota ma shumë se gjithë këngëtaret në konkurrim ,” tha Edi.

Albumi ri muzikor nga Edi, me këngë të bukura të cilat dëgjohen me ëndje janë hedhur në treg nga produksioni “Erolindi dhe kompnaia “ETC”.

Gjakovapress.info i uron rrugëtim të këndshëm këngëve dhe hiteve të Edit!