Federata e Futbollit të Kosovës: Xaja ishte shembull për të gjithë dashamirët e futbollit

Me rastin e vdekjes së tifozit të zjarrtë të Vëllaznimit,  Myrteza Xajë Këndusi ka ngushëlluar edhe Federata e Futbollit të Kosovës.  Në telegarmin ngushëllues të organit më të lartë të futbolit kosovar , përkatësisht të kryetarit Agim Ademi mes tjerash thuhet se,   Xaja ishte shembull për të gjithë dashamirët e futbollit dhe sportit në Gjakovë e më gjerë. Ai ishte i pranishëm në çdo ndeshje futbolli, por edhe në ngjarjet tjera sportive në këtë qytet. Për Xajën, stadiumi ishte shtëpia e tij e dytë, derisa përkushtimi dhe dashuria ndaj futbollit bëri që ai të gëzonte kudo respekt të madh nga komuniteti sportiv. “Xaja ishte një njeri i urtë, mik i shkëlqyeshëm dhe i nderuar në mesin e futbollistëve e tifozëve, ndaj si i tillë do të kujtohet përherë”, thuhet në telegramin ngushëllues të Federatës së Futbolit të Kosovës.

Xajë Këndusi, një ndër tifozët më të vjetër dhe më flakt të klubit Vëllaznimi vdiq në moshën 86 vjecare dhe dje ëshët varrosur në varrezat e qytetit.