Gjakova shënon ditëlindjen e shtetit me një fabrikë tekstili

Veprimtaritë kulturore e sportive për ta shënuar 7 vjetorin e pavarësisë së Kosovës, në komunën e Gjakovës kanë nisur ditë më parë, por do të kulmojnë të marten me përurimin e punës së fabrikës Intertex ku janë punësuar 120 punëtorë dhe me koncertin e mbrëmjes. Fabrika e tekstilit, do të prodhojë mbulesa për vetura për kompaninë amerikane “Blue Stone Safety” dhe kompaninë suedeze “Torx”. Kjo kompani fillimisht do të punësojë 120 persona, kapacitetet e së cilës priten që të rriten në muajt në vijim.

Në ditën e shënuar të Shtetit të Kosovës, ‪#‎7vjetshtet në Gjakovë fillon punën ‘Intertex Kosova’, fabrikë e tekstilit e cila do të prodhojë për kompaninë amerikane ‘Blue Stone Safety’ dhe kompaninë suedeze ‘Trox’. Fillimisht kompania punëson 120 persona për t’u zgjeruar në muajt në vijim. Për Komunën e Gjakovës, energji e re për kompani tjera të cilat do t’i mirëpresim dhe të krijojmë kushte të vendosën në Gjakovë”, ka shkruarkryetarja e komunes Mimoza Kusari-Lila në Facebook.

Sot shteti i Kosovës feston përvjetorin e shtatë të Pavarësisë. Më 17 shkurt të vitit 2008 në një seancë solemne Kosova u shpall shtet i pavarur që deri në atë kohë administrohej nga UNMIK-u. Shpalljes së Pavarësisë i ka paraprirë një proces i gjatë që nga viti 1989 por edhe më herët ku popullata shqiptare nuk iu ka bindur asnjëherë regjimit komunist dhe atyre serbë të ish-Jugosllavisë.

 

Për nder të ditës së pavarësisë të Republikës së Kosovës, në Komunën e Gjakovës me 17 Shkurt do të mbahet këto aktivitete:

 

Ora: 10.00 – Homazhe (Lapidari, Varrezat e qytetit, Meje, Çabrat, Hereq)

Ora: 12:00 – Konferencë për Media ( Koncerti i Alban Skënderaj – Salla Solemne, Pallati i Kulturës)

Ora: 14:00 – Hapja e Kompanisë Intertex (Ish Kombinati i Tekstilit – Emin Duraku)

Ora: 19:0 – Koncerti Tingujt e Ditarit tim – Alban Skënderaj (Pallati i Kukturës “Asim Vokshi” në Gjakovë)