Kitaristi, Lorik Pylla në festivalin Re Muzika

Kitaristi, gjakovar,  Lorik Pylla do të përformojë të mërkuren në mbrëmje në kuadër të festivalit Re Muzika që ka filluar  mbrëmë në Prishtinë. Pylla sonte do të prezantohet me 7 krijime të autorëve të ndryshëm,  disa në bashkëpunime me artistët,  baritonin,  Shaban Behramaj dhe violinistin Rron Bakalli.  Ndër të tjera, sonte  si premierë do të  intepretohet vepra, Experior nga kompozitori I ri, Ersan Januzi.  Festivali Re muzika sivjet ka edicionin e 21 me radhë, ndëkraq do të mbahet deri më 13 prill. Koncerti I Lorik Pyllës mbahet në sallën e kuqe me fillim në ora 20.00.  Edicioni i 21-të i festivalit ReMusica, “The Sound of Change”,  këtë vit trajton temën e ndryshimeve klimatike dhe bën thirrje për ndërgjegjësim tek publiku për veprim klimatik. E gjithë kjo, është reflektuar në programin e sivjetmë, duke u kujdesur që përmbajtja e tij të orientohet në këtë temë, me fokus në katër elementet e natyrës – Toka, Uji, Ajri dhe Zjarri.