Koncert Humanitar me yjet e estrades

Në Pallatin e Kulturës Asim Vokshi  në Gjakovë,  të premten (me datë 13 dhjetor 2019, ora 18.00), do të mbahet një Koncert Humanitar, me disa nga yjet e estradës, ndër ta edhe Shkëlzen Jetishi, Mc Kresha, Lyrical Son, e shumë të tjerë.

E gjithë kjo e organizuar në bashkëpunim me shumë vullnetarë dhe organizatën “INNO”. Ky koncert humanitar ka për qëllim të mbledh fonde për t’iu ardhur në ndihmë familjeve të varfra nga Gjakova e që janë në numër të madh në këtë qytet.

Sipas organizatorëve nga fondet e mbledhura do të blihen gjëra ushqimore për rreth 100 familje të varfra. Edhe viteve të kaluara janë bërë organizime të tilla dhe  ka pasur mbështetje të gjerë nga të gjithë për t’i ndihmuar të varfrit.

Bileta për këtë koncert humanitar me yjet e estradës kushton vetëm 2 euro.