KRU Gjakova u kërkon konsumatorëve të paguajnë borxhet për ujin e shpenzuar!
Duke qenë të vetëdijshëm për rëndësinë e përdorimit të ujit sidomos në këtë periudhë pandemie, Kompania Rajonale e Ujësjellësit “Gjakova”, është duke punuar me të gjitha masat e shtuara operative për furnizim të pandërprerë me ujë dhe shërbime cilësore. KRU Gjakova nga konsumatorët ka kërkuar që të kryejnë pagesat obligative kundrejt ujit të shpenzuar. Në njoftimin e bërë me këtë rast thuhet: “Ftojmë të bëni pagesat për arsye të mos grumbullimit të borxhit, si dhe stabilitetit financiar të kompanisë duke qenë se operojmë si kompani vetëfinancuese dhe pagesat e juaja kontribuojnë drejtë për drejtë në shërbime të cilat ofrojmë dhe efikasitetin e prodhimit”. Më tutje në këtë njoftim të zyrës për Shërbime me Konsumatorë, kërkohet që të respektohen masat mbrojtëse në kujdesin e shtuar social si dhe vendosjen e maskës kur vizitohen pikat e KRU Gjakova për të kryer shërbime.