Kryqi Kuq i Kosovës, dega në Gjakovë, ndihmoi 900 familje të varfra

Në Ditën  Botërore të Kryqit të Kuq,  dega në Gjakovë ka  ardhë me rezultate konkrete duke ndihmuar 900 familjet në nevojë dhe duke falënderuar gjithë ata që kanë kontribuar për dhurimin e pakove ushqimore dhe higjienike. Sekretarja e Kryqit të Kuq të Kosovës dega  në Gjakovë, Fllanza Bakija- Lama, i tha revistës Gjakovapress se për shkak të situatës së krijuar me pandeminë Covid-19, shënimi i kësaj dite u bë ndryshe.

“ Në degën tonë,  para pandemisë kanë qenë të regjistruara 800 familje të varfra . E tani në listat e Kryqit të Kuq  në Gjakovë  janë afro 2 mijë familje. Prej 13 Marsit deri me sot janë ndihmuar 900 familje. Falënderojmë :  Dignity me 46 pako ushqimore,  Anëtarësinë e cila dhuroi  20 pako ushqimore, ShPK ” Nesim Bakija” 2.000 kg miell, Viva Fresh&Buqaj 200 pako ushqimore, UNICEF  300 pako higjienike, Unicef &Usaid 150 pako higjenike,  KNKK 50 pako higjienike dhe qytetaret që  kanë ndarë 24 pako ushqimore”, ka thënë Bakija-Lama.