Mbillen 3 mijë lule në Ditën e Tokës

Vullnetarët e Qendrës Rinore të Gjakovës kanë mbjellë të premten në Ditën Botërore të Tokës,  3 mijë fidanë të luleve sezonale shume vjeçare, përfshirë Begonija, Salvija, Mini Trendafila, Kadife, Top Shimshirë, Betonija e të tjera. Mbjellja e fidanëve ka nisur në rreth rrotullimin e ri në afërsi të Stacionit të Autobusëve, për të vazhduar pastaj nëpër të gjitha vendet e gjelbëruara në qendër të qytetit dhe në rrugën “Tirana”.

Ditëve në vazhdim do të mbillen edhe 3 mijë fidanë tjerë të luleve si dhe fidanë të pishave, nëpër lokacione të ndryshme të komunës së Gjakovës.  Të premten me lule është mbushur edhe oaza e gjelbër përball parkut qendror të qytetit.

Dita ndërkombëtare të Tokës, e cila ndryshe konsiderohet si dita e apelit ndaj problemeve që lidhen me degradimin e tokës, braktisjen dhe keqpërdorimin e saj, ndotjen nga industritë kimike dhe erozionin e shkaktuar nga shpyllëzimet masive. Është një ditë e veçantë për t’i shprehur mirënjohjen tonë Planetit Tokë, i cili mbështet të gjitha format e jetës. Pikërisht me këtë datë shumë qytetarë, fëmijë, të rinj e të moshuar kudo në botë ndajnë pak kohë për të mbjellë një pemë, pastruar një territor publik, përuruar një lulishte apo për të marrë pjesë në evente që synojnë të rrisin ndërgjegjësimin qytetar ndaj çështjeve mjedisore. Pra qëllimi i kësaj dite është angazhimi i të gjithë njerëzve anë e mbanë botës në mbrojte të Tokës