Me 10 maj mbahet mitingu jubilar i 50-ti me radhë i poezisë

Kryesia e Klubit Letrar “Gjon Nikollë Kazazi” përmes një njoftimi ka bërë të ditur për përgatitjet që kanë nisur për mbajtjen e Mitingut të poezisë.

‘Ky aktivitet i madh kulturor, ndër me të mëdhenjtë në gjithë  trojet mbarëshqiptare, ky institucion kulturor që është një pasuri e rrallë  e kulturës   sonë , shtron përpara klubit tonë letrar”Gj.N.Kazazi” si organizatori kryesor , që do të mbështetet nga Drejtoria për Kulturë  e  Komunës së  Gjakovës dhe të Kryetares  Mimoza Kusari Lila   si dhe Ministrisë së  Kulturës  së Republikës se Kosovës  përgjegjësinë    adekuate dhe punët  që duhet bëre ‘ thuhet njohtim.

Prandaj  kryesia e Klubit letrar “Gj.N.Kazazi”  ka nisur prej kohesh përgatitjet  që Mitingu i Poezisë i 50-ti  Gjakova 2014-te  te realizohet ne mënyrën me te mirë  të mundshme  .

Lidhur me këtë , me kohë  ka dorëzuar projektin “Mitingu i Poezisë i 5o-ti Gjakova 2014-te , ne Ministrinë e Kulturës te Republikës se Kosovës dhe ne  Drejtorinë e Kulturës se Komunës se Gjakovës.

Ndërkohë  këtë vit Mitingu i Poezisë do te këtë Javën e vet , ku do mbahet një ore letrare ne përkujtim te krijuesit te shquar Teki Dervishi, një orë letrare për veprën e Jusuf Buxhovit , plot promovime te veprave letrare te autorëve gjakovar dhe do të mbahet në Valbonë të Bajram Currit orë letrare në kuadër te mitingut me 09.05.2014  , kurse do te përmbyllet me ditën qendrore  me 10 maj 2014 me  temën e tribunës  “Kritika aktuale në  Letërsinë shqipe” dhe orën e madhe te poezisë ne  mbrëmje ne të cilën do te lexojnë poetet me te zgjedhur te të gjitha trojeve shqiptare  dhe nga ajo ndërkombëtare .  Për poetet qe do te lexojnë në orën e mbrëmjes qendrore do të publikohet me kohë konkurs  që poezitë konkurruese të paralexohen  paraprakisht nga juria e caktuar dhe që vlerësimi të jetë sa me cilësor për te fituar çmimin e poezisë me te mire”Ali Podrimja” .Ketë vit do te ndahen tre çmime për poezitë e lexuara ne mbrëmjen qendrore . Për konkursin e librit poetik më të  mirë të botuar ndërmjet dy mitingjeve , çmimi “Din Mehmeti “ do të njoftohet me kohë  te interesuarit .

Në ketë miting jubilar do të ndahen medaljone speciale për krijuesit me te shquar që kanë kontribuar në themelimin e mitingut , rritjen e mitingut dhe cilësinë e mitingut .

‘Pra, kryesia  e Klubit letrar “Gj.N.Kazazi” është duke bërë  punët e organizimit që mitingu jubilar te realizohet në mënyrën më  të   mirë  thuhet në njoftimin e Kryesisë së klubit letrar ‘GJ. N. Kazazi’ e nënshkruar nga kryetari Muharrem Kurti .