Sahit Mula , kryetar i Bashkësisë së dytë lokale
Vazhdojmë me prezantimin e Bashkësive lokale të qytetit të Gjakovës të cilat janë bazat e trajtimit të preokupimeve, problemeve dhe arritjeve të përgjithshme. Sahit Mula, flet për preokupimet e banorëve të kësaj Bashkësie Lokale. Sipas tij, Bashkësia e Dytë Lokale, ku hynë pjesa e qytetit të vjetër është vet historia e Gjakovës. Është qendër e trashëgimisë kulturore me monumentet më të rëndësishme historike. Është qendër vatër e luftëtarëve të lirisë nga shekulli XVIII e më herët, në Luftën e Parë Botërore, Lufta Ballkanike, Luftën e Dytë Botërore, ku në gjirin e sajë i strehoj gjithë luftëtarët e lirisë, së fundit edhe luftëtarët e UÇK-së. Kjo bashkësi ka qenë gjithmonë e lëvizjeve të mëdha të popullatës së Gjakovës nga formimi i sajë e deri në ditët e sotme. Themeli i Bashkësisë së Dytë Lokale bazohet që me themelimin e Çarshisë së Madhe (ku dy herë është djegur – përveç dyqaneve zejtare dhe shtëpive që kanë pësuar është bërë djegia e gjithë kapitalit – mallit të dyqaneve). Zanatlinjtë e Çarshisë së Madhe e kanë rifilluar punën, përveç mbajtjes së familjeve kanë bërë edhe investime kapitale në qytetin e Gjakovës, si ndërtimin e urave, xhamive, shtëpive për të varfër, etj. Bashkësia jonë përfshin pjesën më të dëmtuar të qytetit, si nga ana njerëzore e po ashtu edhe nga ana materiale. Në luftën e fundit Bashkësia jonë pësoi vrasje, masakrim dhe dëbim të popullatës, ku ndër ta kemi edhe emra të personave të cilën kanë pas ndikim në qytetin tonë. Bashkësia jonë numëron 11 dëshmorë të lirisë si dhe 114 martir.
Si ta njohim më mirë Bashkësinë e dytë lokale?
Bashkësia e Dytë Lokale kufizohet me bashkësinë e VI, III, VIII dhe IX. Një pjesë e lagjes Hankë, një pjesë e lagjes Gerqar, lagjja e Hadumit, lagjja Mulla Jusufit. Kufizimi i bashkësisë sonë bëhet: te furra e Gutave, lartë ana e majtë e rrugës “Mit’hat Frashërit”, duke rënë poshtë anës së djathë të rrugës “Dërgut Vokshi”, ku më poshtë del te lumi Krena. Përgjatë lumit Krena vjen deri te Ura e Tabakut. Bashkësia jonë përfshin 12.000 – 13.000 banorë. Gjeografikisht kjo është bashkësia e dytë lokale ndër më të mëdhatë në Gjakovë.
Kjo Bashkësi Lokale ka një histori të dhembshme me pasoja të mëdha nga lufta e fundit në Kosovë. Çka mundë të na thuani?
Bashkësia e Dytë Lokale është vatër e luftëtarëve të lirisë nga shekulli XVIII e më herët, në Luftën e Parë Botërore, Lufta Ballkanike, Luftën e Dytë Botërore, ku në gjirin e sajë i strehoj gjithë luftëtarët e lirisë, së fundit edhe luftëtarët e UÇK-së. Kjo bashkësi ka qenë gjithmonë e lëvizjeve të mëdha të popullatës së Gjakovës nga formimi i sajë e deri në ditët e sotme. Themeli i Bashkësisë së Dytë Lokale bazohet që me themelimin e Çarshisë së Madhe (ku dy herë është djegur – përveç dyqaneve zejtare dhe shtëpive që kanë pësuar është bërë djegia e gjithë kapitalit – mallit të dyqaneve). Zanatlinjtë e Çarshisë së Madhe e kanë rifilluar punën, përveç mbajtjes së familjeve kanë bërë edhe investime kapitale në qytetin e Gjakovës, si ndërtimin e urave, xhamive, shtëpive për të varfër, etj. Bashkësia jonë përfshin pjesën më të dëmtuar të qytetit, si nga ana njerëzore e po ashtu edhe nga ana materiale. Në luftën e fundit Bashkësia jonë pësoi vrasje, masakrim dhe dëbim të popullatës, ku ndër ta kemi edhe emra të personave të cilën kanë pas ndikim në qytetin tonë. Bashkësia jonë numëron 11 dëshmorë të lirisë si dhe 114 martir.
Cilat janë hallet më të mëdha të banorëve të kësaj bashkësie lokale?
Sigurisht që Bashkësia jonë ka shumë shqetësime. Në ndërkohë jemi duke e bërë regjistrimin e shqetësimeve të banorëve të bashkësisë sonë, në mënyrë që shqetësimet e tyre t’i adresojmë në institucionet adekuate. Për këtë arsye Kryesia e Bashkësisë sonë kemi marrë vendim që një herë në muaj të takohemi dhe t’i diskutojmë secili brengat e lagjes apo rrugëve të tyre. Ky takim po na ndihmon dhe po na drejton në thelbin dhe në sistemimin – kategorizimin e problemeve, me ç’rast këto shqetësime po i dërgojnë në formën zyrtare në institucionet përkatëse.
Sa po arrini të jeni zëri I halleve të banorëve të bashkësisë suaj lokale?
Megjithëse është fillimi i formimit të Bashkësisë Lokale, ne si Kryesi e Bashkësisë Lokale deri më tani kemi mbajtur 4 takime. Në këto takime po koordinohemi dhe po pajtohemi që secili anëtarë i kryesisë të sjell informata dhe ide nga rrethi i lagjes së vet. Si përfaqësues i lagjes anëtari i kryesisë po i paraqet brengat dhe shqetësimet e banorëve të vet në mënyrë që brenga e tyre të përcillet në institucionin përkatës.
Çfarë është bashkëpunimi me Kuvendin komunal?
Deri më tani janë organizuar dy takime nga Kryetarja e Komunës, e cila ka bërë emërimin e koordinatorit tonë të Bashkësive Lokale. Me zgjedhjen e koordinatorit tonë, ne po shpresojmë se tani e tutje puna jonë e bashkësive do të jetë në koordinim më të afërt me Komunën, gjë që do të rezultonte me realizimin e kërkesave tona të paraqitura para koordinatorit.
Çfarë mendoni se duhet bërë në krijimin e kushteve më të mira për punën tuaj si kryetar të BL-së?
Gjatë takimeve që ka organizuar Kryetarja me Ne – bashkësitë lokale, i kam paraqitur disa kërkesa të cilat do ta bënin më të mirë punën tonë si Kryetarë të Bashkësisë Lokale. Të gjithë kryetarët ishim të një mendimi që ta kemi: – Statutin për Kryetarin dhe Kryesitë e Bashkësive Lokale, – obligimet dhe të drejtat e kryetarëve, – licencimi i Kryetarëve, – vulat për Bashkësitë Lokale, – caktimi i zyrave, – kufizimi i Bashkësive Lokale (ky problem për Bashkësinë tonë është zgjidhur me ndihmën e Kadastrës), – regjistrimi i banorëve nëpër bashkësi lokale. Këto kanë qenë disa nga kërkesat tona me të cilat puna jonë do të përmirësohej dhe do të kishte rezultat pozitiv.
Ku mund të drejtohen banorët e zonës suaj për të biseduar për preokupimet dhe organizimet tjera kulturore e sportive Brenda BL-së?
Siç ju tregova paraprakisht, ne fillimisht kemi kërkuar nga Kryetarja për hapjen apo caktimin e zonave për zyrat tona. Me caktimin e zyrave, qytetarët do të jenë më të lirë t’i shprehin brengat dhe shqetësimet e tyre, sepse momentalisht ky komunikim është i pakët dhe i mangët. Hapja e zyrave të Bashkësive Lokale do ta bënte më të afërt paraqitjen e shqetësimit si dhe komunikimin qytetarin me kryetarin e bashkësisë lokale. (Gjakovapress)