Në finale Shqiponja- Prishtina 16- 32

E plotesuar 8 mars ora 18.00
Kh Prishtina fiton Kupen Shqiponja 2014
KH Prishtina është fituese e turneut  ndërkombëtar Shqiponja 2014 që për dy ditë u mbajt në Pallatin e Sporteve në Gjakovë, pasi në finale mposhti KH Shqiponja me rezultat të thellë 32- 16. Për vendin e tretë luajtën KH Nikshiqi dhe Cairi i Shkupit që përfundoi me rezultat 36-11. Golashenuesja më e mirë e turneut me 24 gola u shpall Angjela Stojanoviq e Nikshiqit. Lojtarja më e mirë u shpall Burneta Rama e Prishtinës nga i cili klub ishte edhe portierja më e mirë Njomza Kelmendi.
Gjatë dy ditëve të kësaj fundjave Gjakova është nikoqire e turnet ndërkombëtar të hendëbollit për femra Shqiponja 2014 manifestim ky sportiv që po mbahet për nder të 7 Marsit Ditës së Mësuesit dhe 8 marsit Ditës ndërkombëtare të gruas.   Me mbështetje të Komunës, Ministrisë së Kulturës, Rinisë e Sporteve dhe Federatës së Hendbollit të Kosovës, organizator I turneut është  klubi gjakovar i hendbollit  per femra “Shqiponja” , ndërsa pos ekipit nikoqir, po marrin pjesë edhe ekipet: “Nikshiqi” nga Mali i Zi, “Çairi” nga Maqedonia dhe Prishtina.
Hapjen solemne të turneut  dje e bëri Faruk Domi udhëheqës I sektorit të sporteve të Gjakovës ndërsa me këtë rast në emër të Federatës së Hendëbollit të Kosovës  skuadrave pjesëmarrëse sukses në këto gara u ka uruar Istref Sadriu.
Në ndeshjen e parë u takuan Shqiponja dhe Cairi që përfundoi me rezultat 26: 23 ndërsa në ndeshjen e dytë u përballen Prishtina dhe Nikshiqi. Kjo ndeshje në kohën e rregullt u mbyll me rezultat 20:20 por fituesi doli pas ekzekutimit të shtatmetërsheve, ku kryeqytetatset ishin më të suksesshme duke e përfunduar ndeshjen me rezultat 26:25.
Sot nga ora 14.00 në pallatin e spoprteve Shani Nushi zhvilohet ndeshja gjysmëfinale në mes të Cairit dhe Nikshiqit ndersa për vendin e parë të turneut Shqiponja 2014, do të takohen Prishtina dhe Shqiponja. Pas përfundimit të ndeshjeve do të organizohet ceremonia mbyllëse ku do të shpallet ekipi fitues si dhe do të ndahen kupa edhe për hendëbollisten dhe portieren më të mirë të turneut.