Pas 20 ndeshjeve KF Vëllaznimi shënon fitore!

Klubi I Futbollit Vëllaznimi këtë kampionat po kalon një nga periudhat më të vështira sa i takon rezultateve. Iu deshtë  të kalonin 19 xhiro, për të arritur deri tek fitorja të dielën me Drenasin 2:1 dhe të sjellë gëzimin e tifozëve gjakovar pas një kohe të gjatë. Nga 20 ndeshje Vëllaznimi ka shënuar 3 barazime dhe një fitore duke grumbulluar vetëm 6 pikë dhe duke mbetur prapa ekipit të parafundit me 14 pikë.

Loja e mirë dhe angazhuese e gjithë ekipit, posaçërisht  në pjesën e dytë solli fitoren, sepse në të parën pjesë, anipse Vëllaznimi kishte disa raste shënimi, mysafirët avancuan me 0:1.

Të dy golat u shënuan në pjesën e dytë. Fillimisht kapiteni Albutrint Morina barazoi e pastaj vulë takimit i dha mbrojtësi Argjend Qela me një goditje të bukur me kokë.