Rezultatet sportive të fundjaves

Futbollistët e Vëllaznimit kanë shënuar edhe një fitore të vlefshme në teren jashtë Gjakovës. Kësaj radhe me golin e Albutrint Morinës  kanë mposhtur Deçanin 0 me 1 dhe me tri pikë të reja janë ngjitur në pozitën e pestë në tabelën klasifikuese. Dy fitore radhazi me Llapin në mesjavë dhe kjo e djeshmja me Deçanin kanë shtuar vetëbesimin e munguar nga javët e shkuara tek futbolistët ndërsa kanë ndryshuar edhe atmosferën triumfuese të skuadrës. Në javën e ardhshme Vëllaznimi përballet me Ulpianën, skuadrën që është e postuar në vendin e fundit në tabelë.
Në anën tjetër juniorëve të Vëllaznimit, anëtarë të superligës, nuk po iu ecën mirë, nga 4 ndeshjet e fundit kanë pësuar tri humbje. Kësaj radhe  luajten  si mysafirë  të Ramiz Sadikut dhe pësuan 1 me 0. Ndërsa në kuadër të Ligës së dytë futbolistike të Kosovës, Luftëtari i Brekocit përballë skuadrës Drini, në teren të vet   ka barazuar 1 me 1 duke lëshuar rastin që të mbajë kreun e tabelës meqë dei dje të gjitha ndeshjet i kishte fituar.
 
Kalojmë tek hendbolli
Dje u zhvilluan  edhe ndeshjet kampionale të elitës së hendbollit kosovar në konkurrencën e meshkujve. Vëlla
znimi ka regjistruar edhe humbjen e dytë në këtë kampionat. Kësaj radhe në përballje të vështirë në Mitrovicë, me Trepcën,  32:28. Javën e tretë të garave Vëllaznimi pushon.
Derisa djemt pësuan humbje, vashat hendëbolliste të  Vëllaznimit, në këtë kampionat të mbështetura nga kolegji Biznesi këtë javë ishin të suksesshme dhe gëzuan me fitore. Vëllaznimi në sallën sportive në Junik mposhti  Istogun me rezultat 24:21. Krahasuar me javën e parë, kur Vëllaznimi pësoi humbje nga Kosova, kësaj radhe u vërejt një përmirësim i dukshëm në lojën e Vëllaznimit. Me lojë të mirë  u veçuan Elma Kamberi me 8 shënime, Nertila Kusari me 7, Arvanita Haxhia me 4 e kështu me radhë.
Me fitore na gëzuan edhe vashat hendëboliste të Shqiponjes të cilat në hapje të kampionatit shënuan fitore të thellë 25: 41 në Prizren me skuadrën vendase.