Rreth 200 aplikime në ditë për pasaportën e Kosovës

Interesimi i qytetarëve për t’u pajisur me pasaportë pas liberalizimit të vizave është rritur dukshëm. Në agjencinë për regjistrim civil thonë se këto ditë, në nivel vendi,  kërkesat kanë arritur numrin, deri në 4 mijë.

Interesim i madh këtyre ditëve të fundit për aplikim për pasaportë është edhe në komunën e Gjakovës. Agron Muçaku, udhëheqës i Qendrës për pajisje me dokumenta në Gjakovë, e cila vepron në kuadër të Ministrisë për Punë të  Brendshme të Kosovës,  ka thënë  se interesimi për tu pajisur me posaporta është tejet i madh dhe kjo ka bërë që para sporteleve të krijohen radhë dhe pritjet maksimale të jenë deri në një orë apo ato minimale në një gjysem ore.

“Mesatarisht çdo ditë aplikojnë rreth 200 bashkëqytetarë për tu pajusur me pasaportë. Ka pasur mundësi gjatë fundvitit të aplikojnë dhe të mos të presin në radhë tash, kur të gjithë përnjëheri kërkojnë të aplikojnë”, shprehet Muçaku.

Udhëheqësi i Qendrës për pajisje me dokumenta në Gjakovë, Agron Muçaku ka bërë të ditur edhe  rregullat përkatësisht afatet ligjore për pajisje me pasaporta.

“Pas aplikimit, vetem me leternjohtim dhe 30 euro pagesë, duhet pritur sëpaku dy javë apo 15 ditë pune për ta marrë paspaorten e re. Për ata që kërkojnë me urgjencë, për 72 orë shërbimi I pajisjes ka një kosto prej 80 euro”, ka thënë Muçaku.