Shënohet 8 Marsi

Komuna e Gjakovës me rastin e 8 Marsit-Ditës Ndërkombëtare të gruas ka mbajtur takim urues me gratë e profileve të ndryshme ku u fol për mundësitë, potencialet dhe kurajën që duhet ta kenë femrat për një shoqëri të avancuar,pavarësisht pengesave dhe paragjykimeve.

Kryetarja Mimoza Kusari Lila ka kujtuar nismat për drejtësi të grave në Çikago të SHBA-ve, dhe si kryetare e parë femër e një Komune në Kosovë ka sjellur shembuj se si duhet sfiduar kohërat, paragjykimet dhe rrethanat dhe në këtë kontest ka sjellur një shembull nga parlamenti i Kosovës që ka të bëjë me përfshirjen numerike të grave, duke bërë pyetje retorike se nuk duhet pyetur se çfarë bëjnë ai tridhjetë përqindësh i grave në parlament, por çfarë bënë shtatëdhjetë përqindëshi, që ndokush prej tyre merr një, dy dhe tre mandate dhe pos që nuk u dëgjohet zëri, nuk u mësohet as emri. Kryetarja Mimoza Kusari Lila ka sjellur si mesazh citatin e sekretares amerikane të shtetit, Medlin Olbright, e cila ka pohuar se ka një ferr të posaçëm për gratë që nuk mbështesin gratë, e ne, pohoi shtoi kryetarja Mimoza Kusari Lila, nuk dëshirojmë të shkojmë në ferr port ë mbështesim njëra tjetrën.

Ku takim urues për 8 Marsin ka nisur me një minutë heshtje për asambleisten e ndjerë Gjylgjyzare Xharavina, e cila ka qenë edhe kryetare e Grupit të Grave të Asambleiste. Ndërkaq, urime dhe mesazhe për fuqizimin e gruas kanë sjellur edhe Lumnije Shllaku, udhëheqëse e Zyrës për Barazi Gjinore,  kryesuesi i Kuvendit të Komunës, Luan Gola,  kryetarja e Grupit të Grave Asambleiste, Sevdije Haxhibeqiri, kryeprokurorja Shpresa Bakija, deputetja e parë, Mevlyde Saraçi, veteranja e arsimit Nanije Deva,  etj.

Edhe gratë pesnioniste të Gjakoves në ambijentet e shoqates së Pensionistëve, për nder të 8 Marsit,  kanë kaluar caste të këndshme në ritmin e muzikës së Grupit ‘Ashikët’ nga Gjakova.

Për nder të Ditës Ndërkombëtare të Gruas- 8 Marsi, në Pallatin e Kulturës “Asim Vokshi”, në ora 18:00 mbahet koncert festiv me pjesmarrës, Kori i Shkollës së Muzikës “Prenk Jakova” pastaj solistet, Festina Mejzini, Arbëresha Maloku, Melita Bytyqi Cana dhe Vesa Smolica, Art Design,Ansambli  i valleve, Fiona Ymeraga me Poezi dhe me pika humoristike nga Altina Kusari