SHKËLZEN REXHA, PËRFAQËSUESI I FOTOGRAFISË SHQIPTARE.
NJË PORTRET MIQËSOR PËR FOTOGRAFIN E NJOHUR GJAKOVAR
Me pamjen prej një mësuesi “babaxhan”, ai të afrohet ngadalë dhe pasi të përshëndet me përzemërsi nis bisedën e rastit. Mirësjellja është gjëja e parë që duket sheshit. Më pas e pyet se përse e mban në qafë aparatin fotografik. Pëgjigja nga ana e tij është e menjëhershme – Jam fotograf! Dhe ti, bashkëbiseduesi, si i zënë në faj e pyet për emrin. -Shkëlzen Rexha, përgjigjet ai po me të njëjtën mirësjellje. E kështu më pas vjen hutimi i përzjerë edhe me një ndjenjë faji, se përse nuk e ke njohur më parë mjeshtrin e madh të fotografisë shqiptare, Shkëlzen Rexhën. Por këtu qëndron edhe absurdi që shpesh i ndjek si një fat i keq fotografët. Ata janë të vetëdënuar që të jenë fizikisht të panjohur për publikun. Ikona dhe imazhi i tyre janë fotografitë që ata prezantojnë para nesh. Kjo gjë ndodh edhe me mjeshtrin Rexha, apo me Xenin, siç e thërrasin të gjithë fotografin nga Gjakova.
Por cili është mjeshshtri i fotografisë artistike Shkëlzen Rexha, mund të lindë natyrshëm pyetja. Dhe me të drejtë sepse për artistët e nivelit të tij publiku i njeh vetëm nëpërmjet fotove, duke i lexuar shpeshherë emrat e autorësisë, aty nën një kënd të fotos së publikuar në albume kalendarë apo revista. Ndodh shpeshherë që të tërhequr nga bukuria apo befasia e shkrepjes, njerëzit përqendrohen vetëm tek fotografia duke e anashkaluar emrin e autorit. Ndërkohë që ironia e fatit është vërtet prekëse.
Kushedi sa është munduar, lodhur apo sa kohë dhe mund ka harxhuar fotografi për atë foto. Dhe në fund jo vetëm vlerësimi por edhe shpërblimi, nuk janë të justifikuar për artistin.
Ishte pesëmbëdhjetë vjeç kur filloi të fotografonte teksa ishte për shëtitje me shokët e shkollës. Me një aparat Berette që ia kishte sjellë babai nga Holanda. Kështu gjatë asaj
Kështu nisi rruga e gjatë dhe e vështirë ndaj këtij pasioni , i cili do të ndryshonte jetën e “do ta detyronte ta shikonte aparating si vegël e profesonit të tij. Si të gjithë të rinjtë me kërkesa dhe ambicje, ëndërra e tij ishte shkollimi në Prishtinë. Dhe, ku në vitet 1978-1982 kreu Akademinë e Arteve, në degën Dizajn- Fotografi. Puna e tij e e parë si profesionist ishte tek “Jateks Fashion”.
I njohur përgjithësisht si fotograf i trashëgimnisë popullore, Shkëlzen Rexhën, nuk e gjen shpesh në Gjakovë. Me aparat ‘’në krah’’ ai shtegton përherë në kërkim të së bukurës, poetikes dhe reales, të cilën shpeshherë ne nuk duam ta pranojmë. Ndërkohë që e ka gjetur ‘’prenë e vet’’, mjeshtri Rexha kthehet në studion e tij, aty në Gjakovë, ku ka familjen dhe fëmijët, të cilët tashmë ndjekin universitetin dhe shkollën e mesme. Megjithë impenjimet ai gjen kohën të merret edhe me muzikë, sport, gazetari apo të shohë filma si një nga hobet e tij. Megjithëse ka realizuar me qindra mijëra kopje, ai gjen kohën dhe punon edhe për revistën tonë Travel, pjesë e stafit të së cilës është tashmë.
Ekspozitat
Në vitin 1999 ai hapi në qytetin e tij në Gjakovë, ekspozitën e parë personale të fotografisë artistike ‘’Nëna dhe Fëmijët’’. Me syrin e artistit ai pasqyronte në celuloid historinë tragjike të vendit të tij, duke trajtuar si leitmotiv ndjenjën më të spikatur të njeriut dhe artistit, njerëzoren. Një gjë të ai do ta bënte edhe vite më vonë kur me objektivin e aparatit të tij do të fokusonte dhimbjen e familjarëve të të zhdukurve nga Lufta e Kosovës e vitit 1999. Me këtë temë ai do të hapte dy ekspozita, me rastin e 30 gushtit, Ditës së të Zhdukurve, në vitin 2006 në Prishtinë dhe një vit më pas në Gjakovë.
Në vitin 2007 do të ishte Saranda, perla e turizmit shqiptar ajo që do të prezantonte Shkëlzen Rexhën, që i kishte kaluar kufijtë e Kosovës. Do të ishin disa ekspozita në Sarandë ( 2007 ), në Shkodër ( 2008 ), në Berat (2009, 2010 ), në Apoloni-Fier dhe Pogradec( 2010 ), në Tiranë ( 2009, 2011 ), Durrës ( 2011 ), që do ta prezantonin artistin gjakovar në Shqipëri dhe ato në Strugë ( 2011 ) dhe Braticë e Ulqin ( 2012 ), që do të hapte në hapësirën shqiptare të ish Jugosllavisë. Drejt Zvicrës, ekspozitat personale do të hapeshin në vitin 2010 në Delemont dhe Arau, për të vijuar në Austri, Suedi, Turqi dhe Gjermani. Këto veprimtari, zhvilloheshin përveç pjesmarrjes në konkurset ndërkombatëre të fotografisë artistike si “Gjon Mili” në Prishtinë apo “Fokus” në Fier.
Paralelisht me punën e përdithsme dhe krijimtarinë artistike, Shkëlzen Rexha ka bashkëpunuar ndër vite edhe me revista dhe gazeta të ndryshme në Kosovë dhe Shqipëri si: me revistat “MISS”, “Kosovarja”, “SKANDI 55”, “Skandi 111”, “Skandi 200”, “Fjalëkryqi 100”, “ABC”, dhe gazetat : “Koha Ditore”, “Bota Sot”, “Lajm”, “Zëri”, “Gazeta 55” (Shqipëri), “As” (Maqedoni), “FOKUS”, “24 Orë”, “Gjakovapress”, etj.
Çmimet
Çmimi “Krijuesi i Vitit për Dizajn dhe Fotografi” viti 2006, Gjakovë – Kosovë; çmimi i dyte ”Fotografi artistike” Fokus 2007, Fier – Shqipëri; çmimi i dytë ”Fotografi artistike”, Galeria IRIS – 2008, Shkodër – Shqipëri; Mirënjohje nga Kuvendi Komunal – Gjakove, viti 2006, 2008; çmimi i parë ”Fotografi artistike,” tema “Varfëria”, foto të botuara në gazetën “Gjakovapress” dhe Organizata e Kombeve te Bashkuaranë Kosovë në vitin 2010.
Kosovo Photography – Çmimi i parë me temë Peisazhi – 2010,
Mirënjohje në Ekspozitën Ndërkombëtare të Fotografisë artistike “Gjon Mili” 2011, Prishtinë – Kosovë; Mirënjohje, Muzeu Etnografik, Fototekës, Bibliotekës dhe Filatelisë Tuz, Mali i Zi, 2012; Iniciativa Sociale, Kosovë – Mirënjohje, çmimi fotograf i Vitit 2012.
Botimet:
Gjakova – Informatori i Kuvendit Komunal Gjakovë, Album me foto: Gjakova – Album fotografish, sponsorizuar nga USAID, IREX, CBDC: “Veshje tradicionale Shqiptare në Kosovë” 2009, Gjakovë – Kosovë; Guidë turistike 2010 “Gjakova City & Valbona Valley”, 2009, Gjakovë – Kosovë; “Çarshia e Madhe e Gjakovës”, 2009, Gjakovë; (Bashkautor i fotografive, dizajnit), Monografia e Kuvendit Komunal – Gjakove, Guida Turistike Gjakovë – Junik 2012, autor i fotografive, dizajnit. /marr nga Albanian Travel.info/