Në ditëlindjen e heroit tonë kombëtar Gjergj Kastrioti dhe në vigjile të 25 vjetorit të clirimit të Gjakovës, të shtunën në parkun e madh të qytetit u vu monumenti i heroit kombëtarë Gjergj Kastrioti Skenderbeu. Gjakova sot ishte në festë. Paraprakisht rrugët kryesore të qytetit, përkatësisht qendra, jehonte nga tinguj të zërave dhe daulleve që kumbonin në festen e sotme . Grupeve muzikore folklorike nga të gjitha trojet shqiptare u printe grupi nga arbreshet e Italisë të cilët interpretonin këngë për Skenderbeun dhe atdheun.
Ky monument ka ardhur si iniciativë dhe është financuar e ideuar nga bashkëadhetari Gjergj Prenkoqaj në bashkëpunim me komunën e Gjakovës, ndërsa është realizuar nga skulptori, Tal Istrefi. Në ceremoninë e zbulimit të monumentit të Skenderbeut u shfaq një programi artistik me këngtarët të njohur të estradës shqiptare.