Zeka i sjell tri pikë Vëllaznimit me Ballkanin

Vëllaznimi  e ka përmbyllur stinorin vjeshtor të Ligës së parë Futbollistike të Kosovës me fitore minimale 1 me 0 në lojë me Ballkanin dhe me fitoren e dhjetë me radhë ka mbajtur pozitën e parë me 36 pikë të tubuara. Fitorja bëhet akoma më e vlefshme për faktin se u aktivizuan pothuajse gjysma e skuadrës nga futbollistë të rinjë nëmungesë të Dylazekës, Morines, Bushajt, Tetricës për shkak të kartonëve dhe Buqajt për shkak të lëndimit. Futbollistët e rinjë : Lisi Jaka, Lorik Rudi,  Ardit Vokshi,Tun Bardhoku, Shpat Tabaku e tj. me sukses zëvendësuan futbollistët e munguar.

Golashënues I vetëm në ndeshje ishte Mevlan Zeka në minurtën e 13’. Pasi nga krahu I majt ka marrë një krosim të Kasapit, Zeka nuk e pati vështirë ta mposhtë portierin mysafir Beqiraj. Vëllaznimi ka pasur edhe shumë raste të tjera shënimi por që në momentet e fundit mungonin realizimet. Pa raste nuk ishin as futbollistët e Ballkanit, të cilët në pjesën e parë goditen edhe shtyllen pingule të Muhaxherit.

Adhuruesit e futbollit, rreth një mijë,  edhepse në mot të ftohtë duatrokitën angazhimin dhe sukseset e Vëllaznimit në këtë pjesë të kampionatit. Pason pushimi dimëror për të nisur përgatitjet në muajin shkurt për stinorin pranveror kur Vëllaznimi fillon garat me katër pikë më shumë se skuadra e dytë në tabel, Istogu.

Tabela