Shqiponja e Gjakoves e fiton finalen dramatike në Samadrexhë

Vashat hendbolliste Shqiponja e kanë bërë hapin e parë drejt titullit të kampionit të Kosovës në hendboll në konkurrencë të femrave.

Të mërkurën mbrëma në palestrën “Afrim Bunjaku”, Shqiponja e mposhti Samadrexhën vendase me rezultat 23:22.

Ndeshja ishte shumë e fortë, me fund shumë dramatik.

Në minutën e 58-të rezultati ishte 21:21. Menjëherë Shqiponja shënoi për 22:21.

Në minutën e 59-të, Orgesa Gola realizoi për dy gola dallim, 23:21. Dhe vendaset vetëm ngushtuan rezultatin në 23:22, pa ia dalë të barazojnë më.

Fundi dramatik e nxori Shqiponjën fituese të madhe.

Alma Nivokazi dhe Ana Carolini Gonçalves udhëhoqën Shqiponjën me nga gjashtë gola.

Finalja e dytë zhvillohet të shtunën mbrëma në Gjakovë. Skuadra me tri fitore shpallet kampione.