Gjakova do të jetë qendër e radiostacioneve shqiptare

Gjakova këtë javë do të jetë  qendër e radiostacioneve të Kosovës, Shqipërisë dhe viseve tjera. Radio Gjakova për herë të 14-të, e  mban manifestimin tradicional të radiove,  Radiofest 2023, ku do të prezantohen krijimet radiofonike në reportazhë, raporte radiofonike dhe spote publicitare. Qëllimi i organizimit të këtij manifestimi unik jo vetëm në vendin tonë është që,  duke nxitur krijimtarinë e re radiofonike të punëtorëve të këtyre mediumeve, të avancoj rezultatet në fushën e radiofonisë. Në manifestimin e sivjetëm marrin pjesë radiot nga: Tirana, Prishtiuna,  Peja,  Gjirokastra, Klina,  Vlora, Mitrovica, Fieri, Presheva, Ferizaj, Lushnja, Gjakova, Dragashi, Struga , Shkodra,  Elbasani, Podujeva, Korca,  e qendrat tjera.

Gjatë gjithë javës në valët e Radio Gjakovës po transmetohen punimet e arritura në Radiofest 2023, ndërsa Juria e festivalit do të shpall të shtunën mbrëma punimet fituese dhe zërin më të mirë radiofonik.  Radiofest, manifestimin qendror të shpalljes së fituesve do ta organizoj në shkollën e muzikës Prenk Jakova, shoqëruar me një program artistik, ku do të prezantohet Kori i grave dhe vajzave Besa, nën drejtimin e profesoreshes Klodina Kryeziu Hana, dhe mysafir të tjerë.

Radiofest këtë herë është mbështetur nga Drejtoria për Kulturë,  Rini dhe Sporte e Gjakovës.